അര്‍ധ നഗ്‌നനായി മാനേജ്മെന്റ് യോഗത്തില്‍ പങ്കെടുക്കുന്ന ചിത്രം സമൂഹമാധ്യമങ്ങളില്‍ പങ്കുവച്ച എയര്‍ഏഷ്യ ചീഫ് എക്‌സിക്യൂട്ടിവ് ഓഫിസര്‍ ടോണി ഫെര്‍ണാണ്ടിനെതിരെ വ്യാപക വിമര്‍ശനം. മസാജിങിന് വിധേയനാകുന്ന സമയത്ത് തന്നെ ഔദ്യോഗിക യോഗത്തില്‍ പങ്കെടുക്കാനും കമ്പനി അവസരം നല്‍കുന്ന ശൈലിയെ അഭിനന്ദിച്ചുകൊണ്ട് ടോണി ഫെര്‍ണാണ്ടസ് തന്നെയാണ് ഈ ചിത്രം ലിങ്കിഡ് ഇനില്‍ പങ്കുവെച്ചത്.
ഒരു കോണ്‍ഫറന്‍സ് റൂമില്‍ യുവതി മസാജ് ചെയ്യുന്നതിനിടെ കമ്പനിയുടെ യോഗത്തിലും പങ്കെടുക്കുന്നതാണ് ചിത്രത്തിലുള്ളത്. അതേസമയം, ടോണിയുടെ പ്രവൃത്തി തീര്‍ത്തും വിമര്‍ശനാര്‍ഹമാണെന്ന് സമൂഹമാധ്യമങ്ങളിലൂടെ ആളുകള്‍ അഭിപ്രായപ്പെട്ടു.
‘വളരെ ബുദ്ധിമുട്ടേറിയ ഒരു ആഴ്ചയായിരുന്നു കടന്നുപോയത്. അപ്പോഴാണ് സുഹൃത്തായ, വെറാനിറ്റ യോസെഫിന്‍ മസാജ് ചെയ്യാന്‍ നിര്‍ദേശിച്ചത്. എനിക്ക് മസാജ് ചെയ്യാനും മാനേജ്മെന്റ് യോഗത്തില്‍ പങ്കെടുക്കാനു കഴിയും. ഞങ്ങള്‍ വലിയ പുരോഗതി കൈവരിച്ചുകൊണ്ടിരിക്കുകയാണ്. ഇന്തോനേഷ്യയെയും എയര്‍ഏഷ്യ സംസ്‌കാരത്തെയും ഞാന്‍ ഇഷ്ടപ്പെടുന്നു. ആവേശകരമായ ദിവസങ്ങളാണ് മുന്നിലുള്ളത്,’ ടോണി ഫെര്‍ണാണ്ടസ് ലിങ്ക്ഡ്ഇനില്‍ എഴുതി.