ന്യൂഡല്‍ഹി: അഫ്ഗാനിസ്താനില്‍ കുടുങ്ങിക്കിടക്കുന്ന ഇന്ത്യക്കാരെ തിരിച്ചെത്തിക്കുന്നതിനായി അടിയന്തരമായി എയര്‍ ഇന്ത്യ വിമാനം തിരിക്കും. ഡല്‍ഹിയില്‍ നിന്ന് രാത്രി 8.30ന് പുറപ്പെടേണ്ട എയര്‍ ഇന്ത്യ വിമാനം ഉച്ചക്ക് 12.30ന് കാബൂളിലേക്ക് പുറപ്പെടും.
രണ്ട് വിമാനങ്ങള്‍ കൂടി തയ്യാറാക്കി നിര്‍ത്താന്‍ എയര്‍ ഇന്ത്യക്ക് കേന്ദ്രസര്‍ക്കാര്‍ നിര്‍ദേശം നല്‍കി. കാബൂള്‍-ഡല്‍ഹി അടിയന്തര യാത്രക്ക് തയ്യാറെടുത്തിരിക്കാന്‍ ജീവനക്കാര്‍ക്കും നിര്‍ദേശം നല്‍കിയിട്ടുണ്ട്.