എ ഐ ക്യാമറ അഴിമതി വിവാദത്തില്‍ കെൽട്രോണിൽ നിന്നും കൊല്ലം ആന്റി കറപ്ഷൻ മിഷൻ സെക്രട്ടറിയുടെപരാതിയിൽ വിജിലൻസ് കരാർ വിശദാംശങ്ങൾ തേടി.ഐഐ ക്യാമറകളിലെ ഇടപാട് ഉള്‍പ്പെടെ അഞ്ച് കാര്യങ്ങളില്‍ അന്വേഷണത്തിന് മാർച്ച് മാസത്തിലാണ് സർക്കാർ വിജിലൻസിന് അനുമതി നൽകിയത്. അന്വേഷണം നടക്കുന്നതിനിടെയാണ് കൊട്ടിഘോഷിച്ച് സർക്കാർ ഉദ്ഘാടനം നടത്തിയത്. . മുൻ ട്രാൻസപോർട്ട് കമ്മീഷണർ രാജീവൻ പുത്തലത്തിനെതിരായ പരാതിയിലാണ് എഐ ക്യാമറകളെ കുറിച്ചുള്ള അന്വേഷണവും നടക്കുന്നത്. മുൻ ട്രാൻസ്പോർട്ട് കമ്മീഷണർ രാജീവൻ പുത്തലത്തിനെതിരെ അഞ്ച് കാര്യങ്ങള്‍ അന്വേഷിക്കമെന്നായിരുന്നു വിജിലൻസിന് ലഭിച്ച പരാതി. അതില്‍ പ്രധാനപ്പെട്ട ആരോപണം എഐ ക്യാമറകള്‍ സ്ഥാപിച്ചതിൽ അഴിമതി നടന്നിട്ടുണ്ടോ എന്നായിരുന്നു.. ലാപ്ടോപ്പ് വാങ്ങിയതിലും സെർവർ സജീകരിച്ചതിലും സ്ഥലം മാറ്റത്തിലും ഇലക്ട്രോണിക് വാഹനങ്ങള്‍ വാങ്ങിയതിലും ഉള്‍പ്പെടെയാണ് മറ്റ് പരാതികൾ.