എ ഐ ക്യാമറ : മന്ത്രിമാരെ ഒഴിവാക്കിയത് മനുഷ്യാവകാശ കമ്മീഷൻ കേസെടുത്തു

Letter received from boban mattumantha has been diarised by Kerala SHRC vide Diary No 6514/CR/2023.-HRCNET,NHRC

Kerala SHRC has registered a case no. 3096/11/10/2023 on the complaint regarding BOBAN MATTUMANTHA.-HRCNET,NHRC

പരാതി

വിഷയം: നിയമം കൊണ്ട് പൗരന്മാരെ രണ്ടു തട്ടിലാക്കുന്നത് സംബന്ധിച്ച്

പ്രിയ മനുഷ്യാവകാശ കമ്മീഷന് ,

ഗതാഗത നിയമലംഘനം മൂലം സംസ്ഥാനത്തു നടക്കുന്ന 54 ശതമാനം റോഡ് അപകടം മരണങ്ങൾ ഇല്ലാതാക്കുക എന്ന ഉദ്ദേശത്തോടു കൂടി സംസ്ഥാനത്ത് 726 ആർട്ടിഫിഷ്യൽ ഇന്റലിജൻസ് ക്യാമറകളുടെ പ്രവർത്തനം എപ്രിൽ 20 മുതൽ തുടങ്ങി. ഈ ക്യാമറ നിയമ ലംഘകരെ കണ്ടെത്തി സന്ദേശം കൈമാറും.

എന്നാൽ ഈ ക്യാമറ പിടിയിൽ നിന്ന് മന്ത്രിമാർ ഉൾപ്പടെയുള്ള ഉന്നതരെ ഒഴിവാക്കാൻ മോട്ടോർ വാഹന വകുപ്പ് തീരുമാനിച്ചിരിക്കുകയാണ്.ഇത് പൗരന്മാരോടുള്ള കടുത്ത അനീതിയാണ്. നിയമത്തിന്റെ മുന്നിലും ഭരണഘടനയുടെ മുന്നിലും എല്ലാം പൗരന്മാരും തുല്യരാണെന്നിരിക്കെയാണ് മോട്ടോർ വാഹന വകുപ്പിന്റെ വിവേചനപരമായ നടപടി .

ഭരണഘടനയും നിയമവും ഉറപ്പു നല്കുന്ന തുല്യതക്ക് വിഘാതമായി മോട്ടോർ വാഹന വകുപ്പ് നടപ്പിലാക്കുന്ന ‘ വി ഐ പി നിയമ ലംഘന അനുമതി ‘ നിർത്തലാക്കാൻ മനുഷ്യാവകാശ കമ്മീഷൻ ഇടപെടൽ അനിവാര്യമാണ്. മന്ത്രിമാരുടെ വാഹനവും പൈലറ്റ് വാഹനവും ഇടിച്ച് അപകടങ്ങൾ ഉണ്ടാകുന്നുണ്ട്. മന്ത്രിമാരെ പിഴയിൽ നിന്ന് ഒഴിവാക്കുന്നതിലൂടെ റോഡ് അപകടവും ഗതാഗത നിയമലംഘനവും കണ്ടെത്തി പൊതു ജനസുരക്ഷ ഉറപ്പു വരുത്തുകയാണ് എ ഐ ക്യാമറ സ്ഥാപിച്ചതിന്റെ ലക്ഷ്യമെന്ന മോട്ടോർ വാഹന വകുപ്പ് വാദം ദുർബലമാവുകയും പൊതുജനങ്ങളെ പിഴിഞ്ഞ് ഖ ജനാവ് നിറയ്ക്കുകയെന്ന വാദം ബലപ്പെടുകയുമാണ്.

ബ്രിട്ടീഷ് പ്രധാനമന്ത്രി ഋഷി സുനക്കിന് 100 പൗണ്ട് പിഴ ചുമത്തിയത് 2023 ജനുവരിയിലാണ്. സീറ്റ് ബെൽട്ട് ധരിക്കാതെ കാറിൽ യാത്ര ചെയ്തു എന്നതാണ് കുറ്റം.കോവിഡ് കാലത്ത് മാസ്ക് ഇടാതെ ബൈക്കിൽ യാത്ര ചെയ്ത കുറ്റത്തിന്
ബ്രസീല്‍ പ്രസിഡന്‍റ് ബോള്‍സനാരോയ്ക്കെതിരെയും കൊവിഡ് പ്രോട്ടോക്കോള്‍ ലംഘിച്ചതിന് നോർവീജിയൻ പ്രധാനമന്ത്രി ഏണ സോൾബെ​ഗിനെതിരെയും
പിഴ ചുമത്തി. നിയമത്തിനു മുന്നിൽ പൗരന്മാർ തുല്യരാണെന്ന സന്ദേശം പല രാഷ്ട്രങ്ങളും പകർന്നു നല്കുമ്പോഴാണ് കേരളം നിയമം കൊണ്ട് പൗരന്മാരെ രണ്ടു തട്ടിലാക്കുന്നത്.

മനുഷ്യാന്തസ്സും തുല്യതയും പൗരാവകാശവും ഉറപ്പുവരുത്താനാവശ്യമായ നടപടി സ്വീകരിക്കണമെന്നും വി ഐ പി കളെ ക്യാമറ പിഴയിൽ നിന്ന് ഒഴിവാക്കിയ നടപടി റദ്ദുചെയ്യാൻ ആവശ്യമായ ഇടപെടൽ ഉണ്ടാവണമെന്നും അഭ്യർത്ഥിക്കുന്നു.

എന്ന്
ബോബൻ മാട്ടുമന്ത,
സി എൻ പുരം പി.ഒ
പാലക്കാട് 678005
9961778898
bobanmattumantha@gmail.com