വിമാനയാത്രയ്ക്കിടെ മദ്യലഹരിയില്‍ സഹയാത്രികനുമേല്‍ മൂത്രമൊഴിച്ചെന്ന പരാതി വീണ്ടും. ന്യൂയോര്‍ക്ക്- ന്യൂഡല്‍ഹി വിമാനത്തില്‍ ഞായാറാഴ്ചയാണ് സംഭവം നടന്നത്. ഇന്ത്യക്കാരനായ യാത്രികനെതിരെയാണ് പരാതി ഉയര്‍ന്നിട്ടുള്ളത്. തര്‍ക്കത്തിനിടെയാണ് ഇയാള്‍ സഹയാത്രികനുമേല്‍ മൂത്രമൊഴിച്ചത്.
സംഭവത്തില്‍ പൊലീസ് കേസെടുത്തിട്ടുണ്ട്. പരാതിക്കാരന്റെ മൊഴി രേഖപ്പെടുത്തിയ വിമാന ജീവനക്കാര്‍, വിമാനം ന്യൂഡല്‍ഹിയില്‍ ഇറങ്ങിയ ഉടന്‍ കുറ്റരോപിതനെ സിഐഎസ്എഫിന് കൈമാറി. ഞായറാഴ്ച രാത്രി 9:30ടെയാണ് വിമാനം ന്യൂഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ ഇറങ്ങിയത്. അമേരിക്കന്‍ എയര്‍ലൈന്‍സിന്റെ എഎ 292 വിമാനത്തിലാണ് സംഭവം നടന്നത്. വിമാനം ഡല്‍ഹിയില്‍ ഇറങ്ങുന്നതിന് മുമ്പുതന്നെ ജീവനക്കാര്‍ സംഭവം ഡല്‍ഹി ഇറങ്ങുന്നതിന് മുമ്പുതന്നെ ജീവനക്കാര്‍ സംഭവം ഡല്‍ഹി വിമാനത്താവളം അധികൃതര്‍ കുറ്റരോപിതനെ പിന്നീട് ഡല്‍ഹി പൊലീസിന് കൈമാറി. ഡല്‍ഹി പൊലീസാണ് കേസെടുത്തിട്ടുള്ളത്.
കഴിഞ്ഞ വര്‍ഷം നവംബറില്‍ സമാനമായ സംഭവം റിപ്പോര്‍ട്ടുചെയ്തിരുന്നു. ന്യൂയോര്‍ക്ക്-ന്യൂഡല്‍ഹി എയര്‍ഇന്ത്യ വിമാനത്തിലാണ് മദ്യലഹരിയില്‍ യാത്രക്കാരന്‍ സഹയാത്രികയ്ക്കുമേല്‍ മൂത്രമൊഴിച്ചത്.