റിയാദ്: പോര്‍ച്ചുഗല്‍ താരം ക്രിസ്റ്റ്യാനോ റൊണാള്‍ഡോയ്ക്ക് പിന്നാലെ ലയണല്‍ മെസിയും സൗദി ക്ലബിലേക്കെന്ന് സൂചന. സൗദി ക്ലബായ അല്‍ ഹിലാല്‍ മെസിയെ സ്വന്തമാക്കാന്‍ ഒരുങ്ങുന്നതായാണ് റപ്പോര്‍ട്ടുകള്‍. ചരിത്രത്തിലെ ഏറ്റവും ഉയര്‍ന്ന പ്രതിഫലമായിരിക്കും അല്‍ ഹിലാല്‍ വാഗ്ദാനം ചെയ്യുക. എന്നാല്‍ മെസിയും അല്‍ ഹിലാല്‍ ക്ലബും ഇതുവരെ വിഷയത്തില്‍ ഔദ്യോഗികമായി പ്രതികരിച്ചിട്ടില്ല.
മെസി എന്ന് എഴുതിയ അല്‍ ഹിലാല്‍ ക്ലബിന്റെ പത്താം നമ്പര്‍ ജഴ്‌സി സ്‌റ്റോറുകളില്‍ വില്‍പ്പനയ്ക്ക് എത്തി. ഇതാണ് മെസിയുടെ സൗദി മാറ്റത്തിലേക്കുള്ള സാധ്യതകള്‍ കാണിക്കുന്നത്. മെസിയുമായി അല്‍ ഹിലാല്‍ ക്ലബ് കരാര്‍ ചെയ്തു എന്ന ഇറ്റാലിയന്‍ മാധ്യമത്തിന്റെ റിപ്പോര്‍ട്ടും സാധ്യതയ്ക്ക് ആക്കം കൂട്ടുകയാണ്.