ഇടുക്കി: നെടുങ്കണ്ടത്ത് സഹകരണ ബാങ്ക് ജീവനക്കാരനെ തൂങ്ങിമരിച്ച നിലയില്‍ കണ്ടെത്തി. ബാങ്ക് ബ്രാഞ്ച് മാനേജര്‍ ദീപു സുകുമാരനാണ് മരിച്ചത്. ഇന്നലെ രാവിലെയാണ് ദീപുവിനെ വീടിനുള്ളില്‍ തൂങ്ങിയ നിലയില്‍ കണ്ടെത്തുകയായിരുന്നു.
രാവിലെ ബാങ്കിലെത്തിയ ശേഷം ഭക്ഷണം കഴിക്കാന്‍ വേണ്ടി വീട്ടിലേക്ക് മടങ്ങിപോയിരുന്നു. വീട്ടിലെത്തിയ ആളെ കാണാത്തതിനെ തുടര്‍ന്ന് ഭാര്യ നടത്തിയ പരിശോധനയിലാണ് മുറിയില്‍ തൂണ്ടിയ നിലയില്‍ കണ്ടെത്തിയത്.
ഉടന്‍തന്നെ നെടുങ്കണ്ടത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കുവാനായില്ല. കട ബാധ്യതയെ തുടര്‍ന്നാണ് ആത്മഹത്യയെന്നാണ് പോലീസ് നല്‍കുന്ന വിവരം. ദീപു സുകുമാരന് ലക്ഷങ്ങളുടെ കടബാധ്യത ഉണ്ടായിരുന്നതായി പോലീസിന്റെ പ്രാഥമിക നിഗമനം അസ്വാഭാവികമരണത്തിന് പോലീസ് കേസ് എടുത്ത് അന്വേഷണം ആരംഭിച്ചു.