വ്യാഴാഴ്ച വൈകീട്ട് മാസപ്പിറവി കാണാന്‍ സാധ്യതയില്ലെന്ന് അബൂദാബി അന്താരാഷ്ട്ര ജ്യോതിശാസ്ത്രകേന്ദ്രം. അതിനാല്‍ റമസാന്‍ 30 പൂര്‍ത്തീകരിച്ച് ശനിയാഴ്ചയായിരിക്കും ഈദുല്‍ഫിത്വറെന്ന് കേന്ദ്രം അറിയിച്ചു.
അതേസമയം കുവൈത്തിൽ ഈദുൽ ഫിത്തർ ഏപ്രിൽ 21 വെള്ളിയാഴ്ചയാകാൻ സാധ്യത. ഹിജ്റ 1444-ലെ ശവ്വാൽ മാസത്തിന്റെ ആരംഭം ഏപ്രിൽ 21-ന് ആകുമെന്ന് അൽ-ഒജീരി സയന്റിഫിക് സെന്റർ ഫോർ റിസർച്ച്. അതനുസരിച്ച്, ഈദ് അൽ-ഫിത്തർ വെള്ളിയാഴ്ചയാകാണാന് സാധ്യതയെന്നും സെന്റർ പറഞ്ഞു. ജ്യോതിശാസ്ത്രപരമായ മാസപ്പിറവി വ്യാഴാഴ്ച വൈകുന്നേരം 24 മിനിറ്റ് നിൽക്കുമെന്നും സെന്റർ പറയുന്നു.