ഇന്ത്യന്‍ ക്രിക്കറ്റ് ടീമിന്റെ പുതിയ ജേഴ്‌സി അവതരിപ്പിച്ച് അഡിഡാസ്. ഐസിസി ടെസ്റ്റ് ചാമ്പ്യന്‍ഷിപ്പിന് മുന്നോടിയായാണ് ഏകദിന, ടി20, ടെസ്റ്റ് ഫോര്‍മാറ്റുകള്‍ക്കായുള്ള ജേഴ്‌സിയുടെ ഫസ്റ്റ് ലുക്കാണ് പുറത്തുവിട്ടത്.
ജൂണ്‍ ഏഴിന് ലണ്ടനിലെ ഓവലില്‍ ആരംഭിക്കുന്ന ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ആസ്‌ട്രേലിയക്കെതിരെ ഇന്ത്യന്‍ താരങ്ങള്‍ പുതിയ ജഴ്‌സിയില്‍ ആയിരിക്കും കളിക്കുക. സോഷ്യല്‍ മീഡിയ വീഡിയോയിലൂടെ അഡിഡാസാണ് ജേഴ്‌സി പുറത്തിറക്കിയത്. ‘ഒരു ഐതിഹാസിക നിമിഷം. ഒരു ഐക്കണിക് സ്‌റ്റേഡിയം. ടീം ഇന്ത്യയുടെ പുതിയ ജേഴ്‌സി അവതരിപ്പിക്കുന്നു’ അഡിഡാസ് സോഷ്യല്‍ മീഡിയയില്‍ വീഡിയോ പങ്കുവച്ചുകൊണ്ട് കുറിച്ചു.