കൊച്ചി: നടിയെ തട്ടിക്കൊണ്ടുപോയി പീഡിപ്പിക്കാന്‍ ശ്രമിച്ച കേസിലെ എട്ടാം പ്രതി നടന്‍ ദിലീപിന്റെ സഹോദരന്‍ അനൂപ്, സഹോദരി ഭര്‍ത്താവ് സുരാജ് എന്നിവരെ നാളെ ചോദ്യം ചെയ്യും. നാളെ രാവിലെ 11ന് ആലുവ പൊലീസ് ക്ലബ്ബില്‍ ഹാജരാവണമെന്ന് കാണിച്ച് ഇരുവര്‍ക്കും വീണ്ടും നോട്ടീസ് നല്‍കി.
നേരത്തെ ചോദ്യം ചെയ്യലിന് വിളിപ്പിച്ചിരുന്നെങ്കിലും ഇവര്‍ ഹാജരായിരുന്നില്ല. വീട്ടില്‍നിന്ന് മാറിനില്‍ക്കുകയായിരുന്നു. തുടര്‍നടപടികളിലേക്ക് കടക്കാനിരിക്കെ ഹാജരാവാമെന്ന് ഇരുവരും ക്രൈംബ്രാഞ്ചിനെ രേഖാമൂലം അറിയിക്കുകയായിരുന്നു.