മുംബൈ: അമിത മദ്യപാനത്തേയും അതുകൊണ്ടുണ്ടായ ഗുരുതരമായ ആരോഗ്യപ്രശ്‌നത്തേയും കുറിച്ച് തുറന്ന് പറഞ്ഞും നടിയും കമല്‍ഹാസന്റെ മകളുമായ ശ്രുതി ഹാസന്‍. ഒരു അഭിമുഖത്തിലാണ് ശ്രുതി കമല്‍ഹാസന്റെ വെളിപ്പെടുത്തല്‍. താന്‍ അമിതമായി മദ്യപിച്ചിരുന്നുവെന്നുവെന്ന് ശ്രുതി ഹാസന്‍ പറഞ്ഞു. മദ്യപാന ശീലം തനിക്ക് അപകടകരമായി മാറിയെന്നും കുറച്ചുകാലമായി സിനിമകളിലൊന്നും സജീവമല്ലാത്ത ശ്രുതി വ്യക്തമാക്കി.
ഫീറ്റ് അപ്പ് വിത്ത ദ സ്റ്റാര്‍ എന്ന ടെലിവിഷന്‍ പരിപാടിയില്‍ പങ്കെടുക്കവെയാണ് സിനിമയില്‍നിന്ന് വിട്ടുനിന്നതിന്റെ കാരണം ശ്രുതി വെളിപ്പെടുത്തിയത്. മദ്യപാനം ശീലം അമിതമായപ്പോള്‍ ചില ആരോഗ്യപ്രശ്‌നങ്ങളുണ്ടായി. ഇതേത്തുടര്‍ന്ന് സിനിമയില്‍നിന്ന് വിട്ടുനില്‍ക്കേണ്ടിവന്നു. അസുഖത്തെ തുടര്‍ന്ന് കഴിഞ്ഞ വര്‍ഷം മദ്യപാനം ഉപേക്ഷിച്ചു. പിന്നീട് ഇതുവരെ മദ്യപിച്ചിട്ടില്ലെന്നും അവര്‍ പറഞ്ഞു. കഴിഞ്ഞ കുറച്ചുനാളുകളായി താന്‍ ചികിത്സയിലായിരുന്നു. ഇപ്പോള്‍ ആരോഗ്യം ഏറെക്കുറെ വീണ്ടെടുത്തു. സിനിമയിലേക്ക് തിരിച്ചുവരുമെന്നും അവര്‍ കൂട്ടിച്ചേര്‍ത്തു.
അതേസമയം, മൈക്കല്‍ കോര്‍സെലുമായുള്ള പ്രണയബന്ധം തകര്‍ന്നതിനെക്കുറിച്ചും ശ്രുതി പരിപാടിയില്‍ വ്യക്തമാക്കി. ആ ബന്ധത്തില്‍നിന്ന് ഒരുപാട് പാഠം പഠിച്ചു. നല്ലൊരു ബന്ധത്തിനായുള്ള അന്വേഷണത്തിലാണ് ഇപ്പോഴെന്നും ശ്രുതി ഹാസന്‍ പറഞ്ഞു.