ഷാരൂഖ് ഖാന്‍ നായകനായ ‘സ്വദേശ്’ എന്ന ചിത്രത്തിലൂടെ ശ്രദ്ധേയയായ നടിയും മോഡലുമായ ഗായത്രി ജോഷിയുടെ കാര്‍ മറ്റൊരു കാറിനെ ഇടിച്ചുതെറിപ്പിച്ചു. കാറിലുണ്ടായിരുന്ന ദമ്പതികള്‍ക്ക് ദാരുണാന്ത്യം. ഗായത്രിയും ഭര്‍ത്താവും അവധി ആഘോഷിക്കാന്‍ സര്‍ഡിനയില്‍ എത്തിയപ്പോഴാണ് അപകടമുണ്ടായത്. ഇരുവര്‍ക്കും പരുക്കില്ലെന്നാണ് റിപ്പോര്‍ട്ട്.
ആഡംബര കാര്‍ പരേഡ് അവതരിപ്പിക്കുന്ന ‘സര്‍ഡിനിയ സൂപ്പര്‍കാര്‍ ടൂറി’നിടെയാണ് സംഭവം. ഗായത്രിയും ഭര്‍ത്താവും സഞ്ചരിച്ചിരുന്ന ലംബോര്‍ഗിനി, ഫെരാരിയിലും മറ്റൊരു വാനിലും ഇടിക്കുകയായിരുന്നു. ഫെരാരിക്ക് തീപിടിച്ച് അതിലെ യാത്രക്കാരായ മെലിസ ക്രൗട്ട്ലി (63), മാര്‍കസ് ക്രൗട്ട്ലി (67) എന്നിവര്‍ മരിച്ചു.