മുംബൈ: ബോളിവുഡ് നടന്‍ മിതിലേഷ് ചതുര്‍വേദി അന്തരിച്ചു. 67 വയസ്സായിരുന്നു. ഹൃദയാഘാതത്തെത്തുടര്‍ന്ന് ഇന്നു രാവിലെയാണ് അന്ത്യം. പത്തു ദിവസം മുമ്പ് ഹൃദയാഘാതത്തെത്തുടര്‍ന്ന് മിതിലേഷിനെ മുംബൈയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.
ഇന്നു പുലര്‍ച്ചെ നാലു മണിയോടെ വീണ്ടും ഹൃദയാഘാതമുണ്ടാവുകയും മരണം സംഭവിക്കുകയുമായിരുന്നുവെന്ന് മകളുടെ ഭര്‍ത്താവ് ആഷിഷ് ചതുര്‍വേദി മാധ്യമങ്ങളോട് പറഞ്ഞു.
നിരവധി സിനിമകളിലൂടെ ശക്തമായ കഥാപാത്രങ്ങളെ അവതരിപ്പിച്ച വ്യക്തിയാണ് മിതിലേഷ്.
കോയി മില്‍ഗയ, സത്യ, റെഡി, കൃഷ്, താല്‍, ഫിസ, അശോക തുടങ്ങി നിരവധി ചിത്രങ്ങളില്‍ സുപ്രധാന വേഷമണിഞ്ഞു. വെബ് സീരിസായ സ്‌കാം 1992ലും ശ്രദ്ധേയ വേഷം അവതരിപ്പിച്ചു. സംസ്‌കാരം വൈകിട്ട് നടക്കും.