കൊച്ചി: തിങ്കളാഴ്ച അന്തരിച്ച നടന്‍ ക്യാപ്റ്റന്‍ രാജുവിന്റെ സംസ്‌കാരം ഇന്ന് വൈകിട്ട് അഞ്ച് മണിക്ക് പത്തനംതിട്ട പുത്തന്‍പീടിക നോര്‍ത്ത് സെന്റ് മേരീസ് ഓര്‍ത്തഡോക്‌സ് പള്ളിയില്‍ നടത്തും. കൊച്ചിയിലെ സ്വകാര്യ ആസ്പത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം രാവിലെ 6.45 ഓടെ പാടിവട്ടത്തെ വീട്ടില്‍ എത്തിച്ചു. എട്ട് മണിയോടെ എറണാകുളം ടൗണ്‍ഹാളില്‍ പൊതുദര്‍ശനത്തിന് വച്ചു. സിനിമാ, സാംസ്‌കാരിക, സാമൂഹ്യ രംഗത്തെ നിരവധി പേര്‍ ടൗണ്‍ഹാളില്‍ ക്യാപ്റ്റന്‍ രാജുവിന് അന്ത്യാഞ്ജലി അര്‍പ്പിച്ചു.
പത്ത് മണിയോടെ സ്വദേശമായ പത്തനംതിട്ടയിലേക്കു കൊണ്ടുപോയി. വൈകിട്ട് 3.30 വരെ മാക്കാംകുന്ന് സെന്റ് പീറ്റേഴ്‌സ് കത്തീഡ്രല്‍ ഓഡിറ്റോറിയത്തില്‍ വരെ പൊതുദര്‍ശനത്തിനു വെക്കും. 3.45 മുതല്‍ 4.15 വരെ ഓമല്ലൂരിലെ ബന്ധുവീട്ടില്‍ പൊതുദര്‍ശനം. അഞ്ചിന് സംസ്‌കാരം നടത്തും.