ബാങ്ക് തട്ടിപ്പ് കേസിൽ ഇഡിയേക്കാള്‍ മെച്ചപ്പെട്ട പരിശോധനയാണ് കമ്മ്യൂണിസ്റ്റ് പാര്‍ട്ടിയുടേതെന്ന് കേസുമായി ബന്ധപ്പെട്ട് ഇഡി ചോദ്യം ചെയ്ത മുൻ മന്ത്രി എ സി മൊയ്തീന്.കഴിഞ്ഞ ദിവസം കുന്നംകുളത്തെ ഒരു പൊതുവേദിയില്‍ സംസാരിക്കവെയായിരുന്നു പ്രതികരണം.’കേസില്‍ പാര്‍ട്ടി ശരിയായ നടപടി എടുത്തു. ഭാര്യ സര്‍ക്കാര്‍ ജീവനക്കാരി ആയിരുന്നു. ഭാര്യയുടെ കാശാണ് ബാങ്കില്‍ ഇട്ടത്. എന്റെ അക്കൗണ്ട് ഫ്രീസ് ചെയ്തു. എങ്ങനെ ജീവിക്കണമെന്ന് കമ്മ്യൂണിസ്റ്റ് പാര്‍ട്ടി ഞങ്ങളെ പഠിപ്പിച്ചിട്ടുണ്ട്. ഇഡിയേക്കാള്‍ മെച്ചപ്പെട്ട പരിശോധനയാണ് കമ്മ്യൂണിസ്റ്റ് പാര്‍ട്ടിയുടേത്’, എ സി മൊയ്തീന് പറഞ്ഞു.കരുവന്നൂര്‍ ബാങ്ക് തട്ടിപ്പ് കേസില്‍ മുന്‍ മന്ത്രി എ സി മൊയ്തീന് വീണ്ടും എന്‍ഫോഴ്‌സ്‌മെന്റ് ഡയറക്ടറേറ്റിന്റെ നോട്ടീസ് നൽകിയിട്ടുണ്ട് .ഇന്ന് ഹാജരാകാനാണ് നിര്‍ദേശം. സാമ്പത്തിക ഇടപാടുമായി ബന്ധപ്പെട്ട മുഴുവന്‍ രേഖകളും ഹാജരാക്കണമെന്നും നിര്‍ദേശമുണ്ട്.