കോഴിക്കോട്: ചന്ദ്രിക 90-ാം വാര്‍ഷികാഘോഷങ്ങളുടെ ഭാഗമായി നടത്തുന്ന ചന്ദ്രിക സ്‌പെഷല്‍ കാമ്പയിന്റെ ഭാഗമായുള്ള സംയുക്ത യോഗം 25ന് ഉച്ചക്ക് രണ്ടു മണിക്ക് കോഴിക്കോട് ലീഗ് ഹൗസില്‍ ചേരും. ചന്ദ്രിക ജില്ലാ, മണ്ഡലം, പഞ്ചായത്ത്, മുനിസിപ്പല്‍ കോ-ഓര്‍ഡിനേറ്റര്‍മാര്‍, മുസ്‌ലിം യൂത്ത്‌ലീഗ്, എം.എസ്.എഫ്, വനിതാ ലീഗ്, കര്‍ഷക സംഘം, കര്‍ഷകത്തൊഴിലാളി യൂണിയന്‍ (എസ്.ടി.യു), പ്രവാസി ലീഗ് എന്നീ പോഷക സംഘടനകളുടെ സംസ്ഥാന പ്രസിഡന്റ്, ജനറല്‍ സെക്രട്ടറി, മുസ്‌ലിംലീഗ് അനുഭാവ സര്‍വീസ് സംഘടനകളുടെ സംസ്ഥാന പ്രസിഡന്റ്, ജനറല്‍ സെക്രട്ടറി എന്നിവരാണ് യോഗത്തില്‍ പങ്കെടുക്കേണ്ടത്.
പ്രതിനിധികള്‍ കൃത്യസമയത്ത് യോഗത്തില്‍ എത്തിച്ചേരണമെന്നും ചന്ദ്രിക കാമ്പയിന്‍ വിജയിപ്പിക്കാന്‍ എല്ലാവരും രംഗത്തിറങ്ങണമെന്നും മുസ്്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ അഭ്യര്‍ത്ഥിച്ചു.