പൊറാട്ട ലഭിക്കാന്‍ വൈകിയെന്ന് ആരോപിച്ച് തിരുവനന്തപുരം ചിറയിന്‍കീഴില്‍ തട്ടുകട നടത്തുന്ന സ്ത്രീയെ ആക്രമിച്ച പ്രതികള്‍ അറസ്റ്റില്‍. പ്രതികള്‍ 65 വയസ്സുള്ള ഓമനയ്ക്ക് നേരെ തിളച്ച എണ്ണ ഒഴിക്കുകയായിരുന്നു.
മൂന്നുദിവസത്തെ അന്വേഷണത്തിനു ശേഷമാണ് പ്രതികള്‍ അറസ്റ്റിലായത്. കിഴിവലം സ്വദേശി അജിത്ത്, പ്രതിഭാ ജംഗ്ഷന്‍ സ്വദേശി അനീഷ്, വിനോദ് എന്നിവരാണ് പിടിയിലായത്. പ്രതികളുടെ വാഹനവും ആയുധവും കണ്ടെടുത്തിട്ടുണ്ട്. പ്രതികള്‍ക്കെതിരെ തിരുവനന്തപുരം ജില്ലയില്‍ 10ലേറെ കേസുകള്‍ രജിസ്റ്റര്‍ ചെയ്തിട്ടുണ്ടെന്ന് പൊലീസ് പറയുന്നു
ഇക്കഴിഞ്ഞ ബുധനാഴ്ചയാണ് പ്രതികള്‍ തട്ടുകടയില്‍ എത്തിയ പരാക്രമം കാണിച്ചത്. പൊറാട്ട വൈകിയെന്ന് ആരോപിച്ച് ചിക്കന്‍ പാചകം ചെയ്യാന്‍ വെച്ചിരുന്ന എണ്ണ ഓമനയുടെ ദേഹത്ത് ഒഴിക്കുകയായിരുന്നു. തട്ടുകടയില്‍ നിന്ന് ബന്ധു ദീപുവിനെ മര്‍ദിക്കുകയും ചെയ്തു. ശേഷം കട ഭാഗികമായി നശിപ്പിച്ച ശേഷമാണ് പ്രതികള്‍ സ്ഥലം വിട്ടത്. പൊലീസ് എത്തിയപ്പോഴേക്കും ഇവര്‍ രക്ഷപ്പെട്ടിരുന്നു.