മുംബൈ-പൂനെ എക്‌സ്പ്രസ്‌വേയില്‍ 12 വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ 4 പേര്‍ക്ക് പരിക്ക്. ബ്രേക്കിന് തകരാറുണ്ടായതിന് തുടര്‍ന്ന് ട്രക്ക് കാറിലിടിക്കുകയായിരുന്നു. തുടര്‍ന്ന് മറ്റ് വാഹനങ്ങള്‍ ട്രക്കിന് പിന്നിലിടിച്ചാണ് അപകടമുണ്ടായത്.
മഹാരാഷ്ട്രയിലെ ഖോപോളിയിലാണ് അപകടം. എട്ടോളം കാറുകളാണ് കൂട്ടിയിടിച്ചത്. അപകടത്തില്‍ ആര്‍ക്കും ജീവന്‍ നഷ്ടമായിട്ടില്ലെന്ന് അധികൃതര്‍ അറിയിച്ചു.
നേരത്തെ ട്രക്കിന് പിന്നിലേക്ക് കാര്‍ ഇടിച്ചു കയറി നാല് പേര്‍ മരിച്ചിരുന്നു. അതിവേഗത്തിലെത്തിയ കാര്‍ ഡിവൈഡറില്‍ ഇടിച്ച് ട്രക്കിന്റെ പിറകില്‍ ഇടിച്ചു കയറുകയായിരുന്നു.