മഞ്ചേരിയില്‍ ബൈക്ക് നിയന്ത്രണം വിട്ട് മറിഞ്ഞ് യുവാവ് മരിച്ചു. മഞ്ചേരി കവളങ്ങാട് മൂലയില്‍ വീട്ടില്‍ നെല്‍സന്റെ മകന്‍ ജിബിനാണ് (20) മരിച്ചത്. വെള്ളിയാഴ്ച്ച രാത്രി 12 ന് ചെങ്ങണ ബൈപ്പാസില്‍ സ്റ്റേഡിയം റോഡിന് സമീപത്തുവച്ചാണ് അപകടമുണ്ടായത്.
ക്രിസ്തുമസ് ആഘോഷത്തിന്റെ ഭാഗമായി പയ്യനാട് ചര്‍ച്ചിലേക്ക് പോകുന്നതിനിടെയാണ് ബൈക്ക് നിയന്ത്രണംവിട്ട് സമീപത്തെ തോട്ടിലേക്ക് മറിയുകയായിരുന്നു. അടിയന്തരമായി മഞ്ചേരി മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.