ഇടുക്കി കഞ്ഞിക്കുഴിയിൽ കെട്ടിടത്തിനു മുകളിൽ നിന്ന് താഴേക്ക് വീണ് വീട്ടമ്മ മരിച്ചു. കഞ്ഞിക്കുഴി മൂലയിൽ എം.സി.മാത്യുവിന്റെ ഭാര്യ സിനി മാത്യു (50) ആണ് മരിച്ചത്. വീടിന്റെ ടെറസിൽ പച്ചക്കറി കൃഷിക്കിടയിലൂടെ നടക്കുമ്പോൾ കാൽ വഴുതി മുറ്റത്തെ കോൺക്രീറ്റ് തറയിൽ തലയടിച്ച് വീഴുകയായിരുന്നു. ഇന്നലെ വൈകിട്ട് അഞ്ചു മണിയോടെയായിരുന്നു അപകടം.ഉടൻ തന്നെ തൊടുപുഴയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.