ദോഹ/റിയാദ്: തായിഫ്- സൗദിയിലെ തായിഫിലുണ്ടായ വാഹനാപകടത്തില്‍ കുട്ടികൾ ഉൾപ്പെടെ മൂന്നു പേര്‍ മരിച്ചു.ഖത്തറില്‍ നിന്ന് ഉംറ നിര്‍വഹിക്കാനെത്തിയ പാലക്കാട് സ്വദേശി ഫൈസലും കുടുംബവുമാണ് അപകടത്തില്‍ പെട്ടത്. ഫൈസലിന്റെ ഏഴും നാലും വയസ്സുള്ള മക്കളായ അബിയാന്‍, അഹിയാന്‍, ഭാര്യയുടെ മാതാവ് സാബിറ എന്നിവരാണ് മരിച്ചത്.
പാലക്കാട് പത്തിരിപ്പാല സ്വദേശികളാണ് എന്നാണ് അറിയുന്നത്. ഫൈസലും ഭാര്യാ പിതാവും തായിഫ് അമീര്‍ സുല്‍ത്താന്‍ ആശുപത്രിയിലാണ്. ഫൈസലിന്റെ ഭാര്യ സുമയ്യ അപകടത്തില്‍ പരിക്കേല്‍ക്കാതെ രക്ഷപ്പെട്ടു.
ദോഹ ഹമദ് മെഡിക്കൽ കോർപറേഷന് കീഴിൽ എമർജൻസി വിഭാഗം നഴ്സ് ആയി ജോലി നോക്കുകയാണ് ഫൈസൽ. കുടുംബ സമേതം ഉംറക്കു വരികയായിരുന്നു. തായിഫിന് അടുത്താണ് അപകടം സംഭവിച്ചതെന്ന് സൗദിയിയിലെ പ്രാദേശിക ദിനപത്രം റിപ്പോർട്ട് ചെയ്തു. കൂടുതൽ വിവരങ്ങൾ ലഭ്യമായിട്ടില്ല