കെ എസ് ആർ ടി സി ബസ് ബൈക്കിൽ ഇടിച്ചു ഒരാൾ മരിച്ചു. ബൈക്ക് യാത്രികന്റെ ശരീരത്തിലൂടെ ബസ്സിന്റെ പിൻ ചക്രം കയറിയിറങ്ങി. അപകടത്തിന് ശേഷം ബസ് നിർത്താതെ പോയി.
പെരിന്തൽമണ്ണ തിരൂർക്കാട് – മഞ്ചേരി റോഡിൽ ചവറോഡ് ഭാഗത്തു വെച്ച് ഇന്ന് ഉച്ചക്ക് മുമ്പാണ് അപകടം സംഭവിച്ചത്. ബൈക്ക് യാത്രികനായ പെരിന്താറ്റിരി സ്വദേശി കിളയമണ്ണിൽ അബ്ദുൽ ഗഫൂറാണ് മരിച്ചത്.
താമരശേരി നിന്ന് തൃശൂർ ഭാഗത്തേക്ക് പോകുന്ന കെ എസ് ആർ ടി സി ബസ്സ്‌ അതേദിശയിൽ പെരിന്തൽമണ്ണയിലേക്ക് പോകുന്ന ബൈക്കിനെ ഇടിച്ചു തെറിപ്പിച്ചു നിർത്താതെ പോവുകയായിരുന്നു.
ബസ്സിന്റെ പിൻ ചക്രം ബൈക്ക് യാത്രികന്റെ ശരീരത്തിലൂടെ കയറിയിറങ്ങി. പരിക്കേറ്റ് റോഡിൽ ചോര വാർന്ന് കിടക്കുകയായിരുന്ന ഇയാളെ പെരിന്തൽമണ്ണയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.