ഉംറ നിര്‍വഹിക്കാനായി പുറപ്പെട്ട രണ്ട് ഇന്ത്യന്‍ കുടുംബങ്ങള്‍ സഞ്ചരിച്ച കാര്‍ റിയാദിന് സമീപം മറ്റൊരു കാറുമായി കൂട്ടിയിടിച്ച് ചെറിയ കുട്ടികളക്കം അഞ്ച് മരണം. ഒരാള്‍ ഗുരുതരാവസ്ഥയില്‍. ഇന്നലെ പുലര്‍ച്ചെയുണ്ടായ അപകടത്തില്‍ ഹൈദരാബാദ് സ്വദേശി അഹ്മദ് അബ്ദുറഷീദിന്റെ ഭാര്യ ഖന്‍സ, മകള്‍ മറിയം(3) രാജസ്ഥാന്‍ സ്വദേശിയായ മുഹമ്മദ് ഷാഹിദ് ഖത്രി(24) ഭാര്യ സുമയ്യ, അമ്മാര്‍(4) എന്നിവരാണ് മരിച്ചത്. അഹ്മദ് അബ്ദുറഷീദ് ഗുരുതര പരിക്കുകളോടെ ആശുപത്രിയിലാണ്.
സുഹൃത്തുക്കളായ അഹ്മദ് അബ്ദുറഷീദും ഖത്രിയും റിയാദിലാണ് ജോലി ചെയ്യുന്നത്. ഇരുവരും റിയാദിലെ സുവൈദി ഡിസ്ട്രക്റ്റിലാണ് താമസിക്കുന്നത്. ഒരു കാറിലാണ് ഇരു കുടുംബങ്ങളും ഇന്നലെ പുലര്‍ച്ചെ മക്കയിലേക്ക് പുറപ്പെട്ടത്. എന്നാല്‍ യാത്ര തുടങ്ങി അധികം കഴിയും മുമ്പ് തന്നെ അപകടമുണ്ടായി. എതിര്‍വശത്തുനിന്ന് വന്ന കാറുമായി ഇവരുടെ കാര്‍ കൂട്ടിയിടിക്കുകയായിരുന്നു.
അഹ്മദ് അബ്ദുറഷീന്റെ ഭാര്യ ഖര്‍സയും മകള്‍ മറിയവും അപകട സ്ഥലത്തുവെച്ചു തന്നെ മരിച്ചു.