അജ്ഞാത നമ്പറുകളില്‍ നിന്ന് അസഭ്യവര്‍ഷവും കൊലവിളിയും നടത്തുന്നുവെന്ന് കാണിച്ച് സുരാജ് വെഞ്ഞാറമൂടിന്റെ പരാതിയില്‍ കേസെടുത്ത് സൈബര്‍ പൊലീസ്. വാട്‌സാപ്പിലും ഭീഷണി സന്ദേശം അയയ്ക്കുന്നതായി പരാതിയില്‍ പറയുന്നു. മണിപ്പൂര്‍ സംഭവത്തില്‍ പ്രതികരിച്ച താന്‍ എന്തുകൊണ്ട് ആലുവയിലെ അഞ്ചുവയസ്സുകാരിയുടെ മരണത്തില്‍ പ്രതികരിക്കുന്നില്ലെന്നു ചോദിച്ചാണു സൈബര്‍ ആക്രമണമെന്നാണു പരാതി.
മൊബൈല്‍ നമ്പറുകള്‍ കേന്ദ്രീകരിച്ച് പൊലീസ് അന്വേഷണം ആരംഭിച്ചു. വിദേശത്തുനിന്നടക്കം ഭീഷണി കോളുകള്‍ എത്തിയപ്പോഴാണ് സുരാജ് പരാതി നല്‍കിയത്. താരത്തിന്റെ ഫോണ്‍ നമ്പര്‍ ഫെയ്‌സ്ബുക്ക് പേജില്‍ പ്രചരിപ്പിച്ച് തെറിവിളിക്കാന്‍ ആഹ്വാനം ചെയ്തവര്‍ക്കെതിരെയും പരാതി നല്‍കിയിട്ടുണ്ട്.