കൊല്ലം ചടയമംഗലത്ത് കെ എസ് ആര്‍ ടി സി ബസ് ബൈക്കിലിടിച്ചുണ്ടായ അപകടത്തില്‍ രണ്ട് വിദ്യാര്‍ത്ഥികള്‍ മരിച്ചു. പുനലൂര്‍ സ്വദേശികളായ അഭിജിത്ത്(19), ശിഖ (20) എന്നിവരാണ് മരിച്ചത്. ഇന്ന് രാവിലെയോടെ ഇവര്‍ സഞ്ചരിച്ച ബൈക്കിന് പിന്നില്‍ കെഎസ്ആര്‍ടിസി ബസ് തട്ടിയാണ് അപകടമുണ്ടായത്. ചടയമംഗലം നെട്ടേത്തറ എം.സി റോഡില്‍വെച്ചാണ് അപകടമുണ്ടായത്.റോഡില്‍ തലയിടിച്ച് വീണ ശിഖ അവിടെവെച്ചുതന്നെ മരിച്ചു.ആശുപത്രിയിലേക്ക് കൊണ്ടുപോകും വഴിയാണ് അഭിജിത് മരിച്ചത്. കൊല്ലം മുസ്‌ലിയാര്‍ കോളജിലെ ബിബിഎ വിദ്യാര്‍ത്ഥിയാണ് അഭിജിത്. കിളിമാനൂര്‍ വിദ്യ കോളജിലെ എഞ്ചിനീയറിംഗ വിദ്യാര്‍ത്ഥിയാണ് ശിഖ. ശിഖയെ കൊണ്ടുവിടാന്‍ പോകുമ്പോഴായിരുന്നു അപകടം.ബൈക്കിനെ മറികടന്ന് അമിതവേഗത്തില്‍ പോയ ബസ്സാണ് ദുരന്തം വരുത്തിയത്.