എറണാകുളം ആലുവയില്‍ കഞ്ചാവ് സംഘത്തെ കുറിച്ച് പൊലീസിന് വിവരം നല്‍കിയ യുവാവിന് ക്രൂരമര്‍ദ്ദനം. വാടാട്ടുപാറ സ്വദേശി ആല്‍ബര്‍ട്ടിനെയാണ് സംഘം വര്‍ദ്ധിച്ചത്. ഇന്ന് രാവിലെ ആലുവ റെയില്‍വേ സ്റ്റേഷന് സമീപമാണ് സംഭവം. സംഭവത്തിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്.
വൈകുന്നേരം റെയില്‍വേ സ്റ്റേഷന് സമീപം ചിലര്‍ കഞ്ചാവ് വില്‍ക്കുന്നത് ശ്രദ്ധയില്‍പ്പെട്ട യുവാവ് പരിചയക്കാരനായ പൊലീസിനെ വിളിച്ചു വിവരം അറിയിക്കുകയായിരുന്നു. ഇതറിഞ്ഞ കഞ്ചാവ് സംഘം ഇവിടെ നിന്ന് ഓടി രക്ഷപ്പെട്ടു. പിന്നീട് രാവിലെയോടെ തിരിച്ചെത്തിയ സംഘം യുവാവ് റെയില്‍വേ സ്റ്റേഷന് സമീപം ചായ കുടിച്ചു കൊണ്ടിരിക്കെ സംഘം ചേര്‍ന്ന് മര്‍ദ്ദിക്കുകയായിരുന്നു.
സംഭവത്തില്‍ ആലുവ പൊലീസില്‍ പരാതി നല്‍കിയിട്ടുണ്ട്.