പത്തനംതിട്ട റാന്നിയില്‍ യുവാവിനെ കാര്‍ ഇടിച്ചു കൊലപ്പെടുത്തി. റാന്നി മന്ദമരുതിയിലാണ് സംഭവം. ചേതോങ്കര സ്വദേശി അമ്പാടി (24) യാണ് കൊല്ലപ്പെട്ടത്. പ്രതികള്‍ക്കായി പൊലീസ് അന്വേഷണം ഊര്‍ജ്ജിതമാക്കി.
ഇന്നലെ രാത്രി റാന്നിയിലെ ബിവറേജസ് കോര്‍പ്പറേഷന് മുന്നില്‍ തര്‍ക്കമുണ്ടായി. പാര്‍ക്കിങ്ങിനെ ചൊല്ലിയുള്ള തര്‍ക്കമാണ് കൊലപാതത്തിലേക്ക് നയിച്ചത്. ഇതേത്തുടര്‍ന്ന് രണ്ടുകൂട്ടര്‍ തമ്മില്‍ സംഘര്‍ഷമുണ്ടായി. പിന്നാലെ യുവാവിനെ കാര്‍ ഇടിച്ചു കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.
സംഭവത്തില്‍ മൂന്നു പ്രതികളാണ് ഉള്ളതെന്ന് പൊലീസ് പറഞ്ഞു. അന്വേഷണത്തില്‍ തര്‍ക്കത്തിന്റെ വൈരാഗ്യത്തില്‍ കാര്‍ ഇടിപ്പിച്ചതാണെന്ന് പൊലീസ് കണ്ടെത്തി.
യുവാവിനെ കൊലപ്പെടുത്തിയ ശേഷം പ്രതികള്‍ ഒളിവില്‍ പോവുകയായിരുന്നു. റോഡപകടത്തില്‍ കൊല്ലപ്പെട്ടുവെന്നാണ് പോലീസ് ആദ്യം സ്ഥിരീകരിച്ചത്. എന്നാല്‍ പിന്നീടാണ് സംഭവത്തിന് പിന്നില്‍ കൊലപാതകമാണെന്ന് സംശയുണ്ടായത്.