![](data:image/svg+xml;charset=utf-8,<svg height="360px" width="640px" xmlns="http://www.w3.org/2000/svg" version="1.1"/>)
ഉപ്പളയില്‍ യുവാവിനെ വെട്ടിക്കൊലപ്പെടുത്തി. കണ്ണൂര്‍ പയ്യന്നൂര്‍ സ്വദേശിയും ഉപ്പള മത്സ്യ മാര്‍ക്കറ്റിന് സമീപത്തെ ഫ്‌ലാറ്റിലെ ജീവനക്കാരനുമായ സുരേഷ് കുമാര്‍ (48) ആണ് കൊല്ലപ്പെട്ടത്.
ഇന്നലെ രാത്രി പത്ത് മണിയോടെ ഉപ്പള ടൗണിലാണ് സംഭവം. ഉപ്പള പത്വാടി കാര്‍ഗില്‍ സ്വദേശി സവാദിനെ (23) സംഭവവുമായി ബന്ധപ്പെട്ട് മഞ്ചേശ്വരം പൊലീസ് കസ്റ്റഡിയിലെടുത്തു.
അതേസമയം ഇയാള്‍ കവര്‍ച്ച ഉള്‍പ്പെടെ നിരവധി കേസുകളില്‍ പ്രതിയാണെന് പൊലീസ് പറഞ്ഞു. നേരത്തെ രണ്ട് തവണ ഇരുവരും തമ്മില്‍ തര്‍ക്കം ഉണ്ടായിരുന്നു. ഇതിനെ തുടര്‍ന്നാണ് കഴിഞ്ഞ ദിവസം രാത്രി വീണ്ടും തര്‍ക്കം ഉണ്ടാവുകയും സുരേഷിനെ കത്തി കൊണ്ട് കുത്തിക്കൊലിലുകയും ചെയ്തത്.
ഗുരുതര പരിക്കേറ്റ ഇയാളെ മംഗളുരു ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. മൃതദേഹം മംഗളുരു വെന്‍ലോക്ക് ആശുപത്രി മോര്‍ച്ചറിയില്‍.
