കൊച്ചി- ജലഅതോറിറ്റി കുഴിച്ച കുഴിയില്‍ വീണ് പരുക്കേറ്റ യുവാവ് മരിച്ചു. കൊച്ചിയിലെ നഗരത്തില്‍ ജലഅതോറിറ്റി എടുത്ത കുഴിയാണ് മരണത്തിന് കാരമായത്. ശ്യാമില്‍ ജേക്കബ് (21) ചികിത്സയിലിരിക്കെയാണ് മരിച്ചത്.
ഫെബ്രുവരി 2ന് രാത്രി 11ഓടെ കങ്ങരപ്പടിയിലെ കുഴിയില്‍ വീണാണ് അപകടമുണ്ടായത്. കുടുംബം പൊലീസില്‍ പരാതി നല്‍കി.
ജനുവരി 21ന് മെയിന്‍ പൈപ്പ്‌ലൈന്‍ പൊട്ടിയതിനെത്തുടര്‍ന്ന് വാട്ടര്‍ അതോറിറ്റി അറ്റകുറ്റപ്പണികള്‍ നടത്തിയിരുന്നു. വലിയ കുഴി എടുത്തു. പിറ്റേദിവസം മണ്ണിട്ട് കുഴിമൂടി, അപകട സൂചനാ ബോര്‍ഡുകളും വച്ചു. പിന്നീട് ഈ ബോര്‍ഡുകള്‍ അവിടെനിന്ന് മാറ്റുകയായിരുന്നു. ശ്യാമില്‍ അപകടത്തില്‍പ്പെട്ടതിനു ശേഷമാണ് റോഡില്‍ കട്ടയിട്ട് പണി പൂര്‍ത്തീകരിച്ചത്.