ശബരിമല തീര്‍ത്ഥാടകര്‍ക്കിടയിലേക്ക് വാഹനം പാഞ്ഞുകയറി മൂന്ന് തീര്‍ത്ഥാടകര്‍ക്ക് ഗുരുതര പരിക്ക്. പത്തനംതിട്ട പമ്പാവാലി കണമല പാലത്തിന് സമീപമാണ് അപകടം നടന്നത്. തമിഴ്നാട് സ്വദേശികളാണ് അപകടത്തില്‍പ്പെട്ടത്. പരിക്കേറ്റവരെ ആശുപത്രിയിലേക്ക് മാറ്റി.
വഴിയരികില്‍ ഭക്ഷണം കഴിച്ചുകൊണ്ടിരിക്കെയാണ് തീര്‍ത്ഥാടകര്‍ക്ക് നേരെ നിയന്ത്രണം വിട്ട കാര്‍ പാഞ്ഞ് കയറിയത്. ശബരിമല ദര്‍ശനം കഴിഞ്ഞ്് മടങ്ങിപ്പോവുകയായിരുന്ന ചങ്ങനാശ്ശേരി സ്വദേശിയുടെ കാറാണ് അപകടമുണ്ടാക്കിയത്. ഡ്രൈവര്‍ ഉറങ്ങിപ്പോയതാണ് അപകടകാരണം എന്നാണ് വിലയിരുത്തല്‍.
മൂന്നു പേര്‍ക്കും ഗുരുതര പരിക്കുണ്ട്. ഒരാളുടെ നില അതീവ ഗുരുതരമാണ്. നിലവില്‍ എരുമേലി ആശുപത്രിയില്‍ ചികിത്സയുള്ള തീര്‍ത്ഥാടകരെ കോട്ടയം മെഡിക്കല്‍ കോളജിലേക്ക് മാറ്റും.