കാസര്‍കോട് കാഞ്ഞങ്ങാട് പനി ബാധിച്ച് മൂന്നു വയസ്സുകാരന്‍ മരിച്ചു. തൃശ്ശൂര്‍ സ്വദേശി ബാലേഷിന്റെയും അശ്വതിയുടെയും മകന്‍ ശ്രീബാലു ആണ് മരിച്ചത്. രണ്ടുദിവസം മുമ്പ് കുട്ടിക്ക് പനി ബാധിച്ചിരുന്നു. പരിയാരം മെഡിക്കല്‍ കോളേജിലേക്ക് കൊണ്ടുപോകുന്നതിനിടെ ഇന്നലെ രാത്രിയാണ് മരിച്ചത്.
പനിയെ തുടര്‍ന്ന് ജില്ലാ ആശുപത്രിയില്‍ ചികിത്സ തേടിയ ശേഷം കുട്ടിയുമായി കുടുംബം വീട്ടിലേക്ക് മടങ്ങിയിരുന്നു. പിന്നാലെ പനി കൂടിയപ്പോള്‍ ജില്ല ആശുപത്രിയില്‍ എത്തിച്ചെങ്കിലും കണ്ണൂര്‍ മെഡിക്കല്‍ കോളേജിലേക്ക് കൊണ്ടുപോകാന്‍ പറയുകയായിരുന്നു. വഴിമധ്യേ മരിക്കുകയായിരുന്നു. ഇരട്ടക്കുട്ടികളില്‍ ഒരാളാണ് മരിച്ച ശ്രീ ബാലു. ശിവ ബാലു സഹോദരനാണ്.
അതേ സമയം കോഴിക്കോട് മെഡിക്കല്‍ കോളേജില്‍ പനി ബാധിച്ച് 9 വയസ്സുകാരി മരിച്ചു.