മധ്യപ്രദേശില്‍ ലൈംഗിക പീഡനത്തിനിരയായ ആറു വയസുകാരിയുടെ നില ഗുരുതരം. ലൈംഗിക പീഡനത്തിനിരയാക്കിയ് 21കാരനെ പൊലീസ് പിടികൂടി. ദിന്‍ഡോറി ഗ്രാമത്തിലാണ് സംഭവം. ഗുരുതരമായി പരിക്കേറ്റ കുട്ടിയെ സ്വകാര്യ ആശുപത്രിയില്‍ പ്രവേശിപ്പിച്ചു.
ഷാഹ്പുര പൊലീസ് സ്റ്റേഷന്‍ പരിധിയിലായിരുന്നു ഞായറാഴ്ച കേസിനാസ്പദമായ സംഭവം നടന്നത്. അമ്മയുടെ കുടുംബത്തോടൊപ്പമായിരുന്നു കുട്ടി താമസിച്ചിരുന്നത്. കുട്ടി വീട്ടില്‍ തനിച്ചാണെന്ന് കണ്ടെത്തിയ പ്രതി വീട്ടില്‍ അതിക്രമിച്ച് കയറി കുട്ടിയെ ലൈംഗികമായി പീഡിപ്പിക്കുകയായിരുന്നു.
സമീപത്തെ വീട്ടിലുള്ള കുട്ടിയാണ് ഈ കാര്യം കുട്ടിയുടെ മുത്തശ്ശിയെ അറിയിക്കുന്നത്. പിന്നാലെ പൊലീസില്‍ പരാതി നല്‍കുകയായിരുന്നു.
സംഭവത്തിന് പിന്നാലെ കുട്ടിയെ ജില്ലാ ആശുപത്രിയിലെത്തിച്ചു. എന്നാല്‍ ആരോഗ്യസ്ഥിതി മോശമായതിനാല്‍ ജബല്‍പൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. സംഭവത്തില്‍ പ്രതിയായ 21കാരനെ പൊലീസ് അറസ്റ്റ് ചെയ്തിട്ടുണ്ട്.