ഗ്രോവാസുവിനെ ജയിലില്‍ സ്വീകരിക്കാനെത്തിയ പൊലീസുകാരന് കാരണം കാണിക്കല്‍ നോട്ടീസ്. ആറന്മുള സ്റ്റേഷനിലെ സിപിഒ ഉമേഷിനാണ് കാരണം കാണിക്കല്‍ നോട്ടീസ് ലഭിച്ചത്. ഫോട്ടോ ഫേസ്ബുക്കിലിട്ട് അഭിവാദ്യം അര്‍പ്പിച്ചത് ഗുരുതര അച്ചടക്കലംഘനം എന്നാണ് പറയുന്നത്.
സേനയ്ക്ക് തന്നെ നാണക്കേട് ഉണ്ടാക്കുന്ന ഇത്തരം പ്രവര്‍ത്തിയില്‍ 24 മണിക്കൂറിനുള്ളില്‍ മറുപടി നല്‍കണമെന്നും സര്‍ക്കുലര്‍ നോട്ടീസിലൂടെ അറിയിച്ചു.
അതേസമയം പൊലീസുകാരന് താന്‍ ജയിലില്‍ എത്തി അഭിവാദ്യമര്‍പ്പിച്ചുവെന്നത് നിഷേധിച്ചു. താന്‍ ജയിലില്‍ എത്തിയിട്ടില്ലെന്നും അഭിവാദ്യം അര്‍പ്പിച്ച് ഫേസ്ബുക്കില്‍ പോസ്റ്റ് മാത്രമേ ഇട്ടിട്ടുള്ളൂ എന്നും അദ്ദേഹം പറഞ്ഞു. കോടതി വെറുതെവിട്ട ആള്‍ക്ക് അഭിവാദ്യമര്‍പ്പിച്ച് പോസ്റ്റ് ഇടുന്നതില്‍ എന്ത് തെറ്റാണ് ഉള്ളതെന്നും കോടതി ചോദിച്ചു.