പരിശീലനത്തിനിടെ ഷെല്‍ പൊട്ടിത്തെറിച്ച് മഹാരാഷ്ട്രയില്‍ രണ്ട് അഗ്‌നിവീറുകള്‍ കൊല്ലപ്പെട്ടു. നാസിക്കിലെ ആര്‍ട്ടറി സ്‌കൂളിലാണ് അപകടം സമഭവിച്ചത്. കരസേന അന്വേഷണത്തിന് ഉത്തരവിറക്കി. വെടിവയ്പ്പ് പരിശീലനത്തിനിടെ തോക്കില്‍ നിന്നുള്ള ഷെല്‍ പൊട്ടിത്തെറിച്ചാണ് രണ്ട് അഗ്‌നിവീറുകള്‍ കൊല്ലപ്പെട്ടതെന്ന് പൊലീസ് അറിയിച്ചു.
വ്യാഴാഴ്ച ഉച്ചയ്ക്ക് നാസിക് റോഡ് ഏരിയയിലെ ആര്‍ട്ടിലറി സെന്ററിലാണ് സംഭവം നടന്നത്. അഗ്‌നിവീര്‍മാരായ ഗോഹില്‍ വിശ്വരാജ് സിംഗ് (20), സൈഫത്ത് ഷിത് (21) എന്നിവരാണ് അപകടത്തില്‍ കൊല്ലപ്പെട്ടത്.
അഗ്നിവീര്‍ സംഘം ഉപയോഗിച്ചിരുന്ന ഇന്ത്യന്‍ ഫീല്‍ഡ് ഗണ്ണില്‍ നിന്ന് വെടിയുതിര്‍ക്കുന്നതിനിടെ ഷെല്ലുകളിലൊന്ന് പൊട്ടിത്തെറിക്കുകയായിരുന്നു. ഇരുവര്‍ക്കും ഗിരുതരമായി പരുക്കേറ്റുതോടെ ഡിയോലാലിയിലെ എംഎച്ച് ഹോസ്പിറ്റലിലേക്ക് കൊണ്ടുപോയി. എന്നാല്‍ ഇരുവരുടെയും ജീവന്‍ രക്ഷിക്കാനായില്ല.
ഹവില്‍ദാര്‍ അജിത് കുമാറിന്റെ പരാതിയുടെ അടിസ്ഥാനത്തില്‍ ഡിയോലാലി ക്യാമ്പ് പോലീസ് അസ്വാഭാവിക മരണത്തിന് കേസ് രജിസ്റ്റര്‍ ചെയ്തിട്ടുണ്ടെന്നും കൂടുതല്‍ അന്വേഷണം പുരോഗമിക്കുകയാണെന്നും അദ്ദേഹം പറഞ്ഞു.