ഓടിക്കൊണ്ടിരുന്ന കെയുആര്‍ടിസി ലോ ഫ്‌ലോര്‍ ബസിന് തീപിടിച്ചു

കൊച്ചിയില്‍ ഓടിക്കൊണ്ടിരുന്ന കെയുആര്‍ടിസി ലോ ഫ്‌ലോര്‍ ബസിന് തീപിടിച്ചു. അപകടത്തില്‍ ആളപായമില്ല. അപകടത്തിനു കാരണം എന്താണ് എന്ന കാര്യത്തില്‍ വ്യക്തതയില്ല. തൊടുപുഴയില്‍ നിന്നും എറണാകുളത്തേക്ക് വന്ന ലോ ഫ്‌ലോര്‍ ബസിനാണ് തീ പിടിച്ചത്. ബസ് പൂര്‍ണമായും കത്തി നശിച്ചു. ബസിന് പുറകു വശത്തു നിന്നുമാണ് തീ പടര്‍ന്നതെന്ന് ബസിലെ ജീവനക്കാര്‍ പറയുന്നു.

മുന്നറിയിപ്പ് സംവിധാനം പ്രവര്‍ത്തിച്ചതോടെ ബസിലെ മുഴുവന്‍ യാത്രക്കാരെയും പുറത്തിറക്കുകയായിരുന്നു. അപകട സമയം ബസില്‍ ഇരുപത് യാത്രക്കാരാണ് ഉണ്ടായിരുന്നത്. ചിറ്റോര്‍ റോഡില്‍ ഗതാഗതം ഭാഗീകമായി തടസപ്പെട്ടു. സംഭവത്തില്‍ പൊലീസ് അന്വേഷണം ആരംഭിച്ചു.