കോഴിക്കോട്ട് നിര്‍ത്തിയിട്ട റെയ്ഞ്ച് റോവര്‍ കാറിന് തീ പിടിച്ചു

കോഴിക്കോട് നിര്‍ത്തിയിട്ട കാറിന് തീപിടിച്ചു. ഈസ്റ്റ് നടക്കാവിലെ ടര്‍ഫില്‍ കളിക്കാന്‍ എത്തിയയാളുടെ കാറിനാണ് തീപിടിച്ചത്.
രാവിലെ ഏഴു മണിയോടെയാണ് സംഭവം നടന്നത്. കോഴിക്കോട് സ്വദേശി പ്രജീഷിന്റെതാണ് വാഹനം. വണ്ടി പാര്‍ക്ക് ചെയ്ത് കളിക്കാനായി പോകുമ്പോഴാണ് വാഹനത്തില്‍ നിന്നും പുക വന്നത്. പൊലീസും ഫയര്‍ഫോഴ്‌സും എത്തി തീയണച്ചു. തീപിടുത്തത്തിന് പിന്നിലുള്ള കാരണം ഇതുവരെ വ്യക്തമല്ല.