അബുദാബി: മലപ്പുറം കോട്ടക്കല്‍ മാറാക്കര കല്ലാര്‍മംഗലം ചേലക്കുത്ത് സ്വദേശി അനസ് ഇസ്ഹാഖ് (30) അബുദാബിയില്‍ ഹൃദയാഘാതം മൂലം മരണപ്പെട്ടു. ഇസ്ഹാഖ്, സുലൈഖ ദമ്പതികളുടെ മകനാണ്.
അബുദാബി ബനിയാസില്‍ ഷഹീന്‍ സൂപ്പര്‍മാര്‍ക്കറ്റിനുസമീപം ബാര്‍ബര്‍ഷോപ്പില്‍ ജോലി ചെയ്തുവരികയായിരുന്നു. ബനിയാസ് കെ എം സി സി പ്രവര്‍ത്തകനും, അബുദാബി കെഎംസിസി കെയര്‍ മെമ്പറുമാണ്. 11 വര്‍ഷം മുമ്പാണ് അനസ് ആദ്യമായി അബുദാബിയിലെത്തിയത്.
ഭാര്യ ഷഹര്‍ബാന്‍. സെന്‍സ ഫാത്തിമ, ഷൈഹ ഫാത്തിമ മക്കളും അന്‍സാര്‍ (ഖല്‍ബ,ഫുജൈറ) സുഹൈല എടക്കുളം സഹോദരങ്ങളുമാണ്.
ഷഖീബ് മാടായിയുടെ നേതൃത്വത്തില്‍ ബനിയാസ് കെ എം സി സി പ്രവര്‍ത്തകരാണ് മയ്യിത്ത് നാട്ടിലയക്കുന്നതിനുള്ള നടപടികള്‍ പൂര്‍ത്തിയാക്കുന്നത്. ജനാസ നാട്ടിലെത്തിക്കുമെന്ന് ബനിയാസ് കെഎംസിസി ഭാരവാഹികളായ മുഹമ്മദുണ്ണി തൃക്കണാപുരം (ജനറല്‍ സെക്രട്ടറി) ഷഫീഖ് കട്ടുപ്പാറ (ഓര്‍ഗനൈസിംഗ് സെക്രട്ടറി) എന്നിവര്‍ അറിയിച്ചു.