ദമാം: കോഴിക്കോട് പൂനൂര്‍ കോളിക്കല്‍ തോട്ടത്തില്‍ ബാസിത് (26) ദമാമില്‍ നിര്യാതനായി. പനി ബാധിച്ച് ചികിത്സയിലിരിക്കെ വ്യാഴാഴ്ച വൈകീട്ടായിരുന്നു അന്ത്യം. സൗദിയിലെ അല്‍ ഖസീമിലെ സ്വകാര്യ കമ്പനിയിലെ ജീവനക്കാരനായിരുന്നു ബാസിത്. കമ്പനി ആവശ്യാര്‍ത്ഥം ദമാമില്‍ എത്തിയതായിരുന്നു.
നേരത്തെ കുവൈത്തില്‍ ഉണ്ടായിരുന്ന ബാസിത് ഒരു വര്‍ഷം മുമ്പാണ് സൗദിയിലെത്തിയത്. മരണ വിവരം അറിഞ്ഞ് റിയാദിലുള്ള പിതാവ് ബഷീര്‍ സ്ഥലത്തെത്തിയിട്ടുണ്ട്. മെഡിക്കല്‍ ടവര്‍ മോര്‍ച്ചറിയിലുള്ള മയ്യിത്തിന്റെ നടപടി ക്രമങ്ങള്‍ പുരോഗമിക്കുകയാണെന്ന് കെ.എം.സി.സി അറിയിച്ചു.
മാതാവ് റംല. സഹോദരിമാര്‍ റബിഅത്ത്, റംസീന.