കണ്ണൂര്‍ കാട്ടമ്പള്ളിയില്‍ കൈരളി ബാറിലുണ്ടായ സംഘര്‍ഷത്തില്‍ കുത്തേറ്റയാള്‍ മരിച്ചു.ചിറക്കല്‍ സ്വദേശി റിയസാണ് മരിച്ചത്. കഴിഞ്ഞ ദിവസം രാത്രിയാണ് റിയാസിന് കുത്തേറ്റത്.
മദ്യപാനത്തിനിടെ രണ്ട് സംഘങ്ങള്‍ തമ്മില്‍ സംഘര്‍ഷം ഉണ്ടാവുകയായിരുന്നു.പിന്നാലെ പുറത്തിറങ്ങിയ റിയാസിനെ സംഘര്‍ഷം ഉണ്ടാക്കിയ മറ്റെ സംഘം കുത്തുകയായിരുന്നു. മൂന്നുനിരത്ത് സ്വദേശി നിഷാന്‍ എന്ന ആളാണ് കുത്തിയത് എന്ന് പൊലീസ് പറയുന്നു. പ്രതിക്കായുള്ള തിരച്ചില്‍ പൊലീസ് ആരംഭിച്ചു.