സ്‌കേറ്റിംഗ് ബോര്‍ഡില്‍ കന്യാകുമാരിയില്‍ നിന്ന് കാശ്മീരിലേക്ക് യാത്ര പുറപ്പെട്ട മലയാളി അനസ് ഹജാസ് ഹരിയാനയില്‍ ഉണ്ടായ വാഹനാപകടത്തില്‍ മരിച്ചു. ഹരിയാനയില്‍ വച്ച് ഇദ്ദേഹത്തെ ഒരു ട്രക്ക് ഇടിക്കുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
തിരുവനന്തപുരം വെഞ്ഞാറമൂട് അഞ്ചാംകല്ല് പുല്ലമ്പാറ സ്വദേശിയായ അനസ് 2022 മെയിലാണ് കന്യാകുമാരിയില്‍ നിന്നും യാത്രതിരിച്ചത്.
സ്‌കേറ്റിംഗിനെ കുറിച്ച് അവബോധം ഉണ്ടാക്കുക എന്ന ലക്ഷ്യവുമായാണ് യാത്ര തുടങ്ങിയത്. ലക്ഷ്യസ്ഥാനത്ത് എത്താന്‍ ഇനി കുറഞ്ഞ ദിവസത്തെ യാത്ര മാത്രമായിരുന്നു ബാക്കിയുണ്ടായിരുന്നത്. കമ്പ്യൂട്ടര്‍ സയന്‍സ് ബിരുദത്തിന് ശേഷം ബീഹാറിലെ ഒരു സ്വകാര്യ കോളേജിലും ഇദ്ദേഹം ജോലി ചെയ്തിരുന്നു.