![](data:image/svg+xml;charset=utf-8,<svg height="162px" width="311px" xmlns="http://www.w3.org/2000/svg" version="1.1"/>)
തമിഴ്നാട്ടിലെ മധുരയില്‍ ട്രെയിനിടിച്ച് മലയാളി സ്റ്റേഷന്‍ മാസ്റ്റര്‍ക്ക് ദാരുണാന്ത്യം. തിരുവനന്തപുരം കീഴാരൂര്‍ സ്വദേശിയും കല്ലിഗുഡി സ്റ്റേഷന്‍ മാസ്റ്ററുമായ അനുശേഖര്‍ (31) ആണ് മരിച്ചത്. ഇന്ന് രാവിലെയായിരുന്നു അപകടം.
ചെങ്കോട്ട- ഈറോഡ് ട്രെയിനിലേക്ക് ചാടിക്കയറാന്‍ ശ്രമിക്കവേ അനുശേഖര്‍ കാല്‍വഴുതി ട്രയിനിനടിയിലേക്ക് വീഴുകയായിരുന്നു. ഉടന്‍ തന്നെ ട്രെയിന്‍ നിര്‍ത്തിയെങ്കിലും അനുശേഖര്‍ മരിച്ചിരുന്നു. അപകടത്തില്‍പ്പെട്ട സമയത്ത് അദ്ദേഹം ഡ്യൂട്ടിയിലായിരുന്നില്ല. മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റി.
