ചാലക്കുടിയില്‍ രാസവസ്തു കയറ്റി വന്ന ലോറി ബൈക്കിലിടിച്ച് തീപിടിച്ചു; യുവാവ് മരിച്ചു

തൃശൂര്‍ ചാലക്കുടിയില്‍ ബൈക്കില്‍ മിനി ലോറിയിടിച്ച് യുവാവ് മരിച്ചു. വി ആര്‍ പുരം ഞാറക്കല്‍ വീട്ടില്‍ അനീഷ് (40) ആണ് മരിച്ചത്. വ്യാഴാഴ്ച രാവിലെ 7.15ഓടെയായിരുന്നു സംഭവം. പാലക്കാട്ടേക്ക് സോപ്പ് നിര്‍മ്മാണത്തിനുള്ള അമോണിയ കെമിക്കലുമായി വന്ന ലോറിയാണ് ബൈക്കിലിടിച്ചത്. ലോറിക്കടിയില്‍പെട്ട ബൈക്കിനെ 20മീറ്ററോളം വലിച്ചുകൊണ്ടുപോയി. അനീഷ് സംഭവ സ്ഥലത്ത് വച്ച് തന്നെ മരിച്ചു.

ഇതിന് പിന്നാലെ മിനി ലോറിക്ക് തീപിടിക്കുകയും ചെയ്തു. ലോറി പൂര്‍ണ്ണമായും കത്തി നശിച്ചു. അതേസമയം ലോറി ഡ്രൈവര്‍ അത്ഭുതകരമായി രക്ഷപ്പെട്ടു. ചാലക്കുടിയില്‍ നിന്നും അഗ്‌നിശമന സേനയെത്തിയാണ് തീയണച്ചത്.

മൃതദേഹം ചാലക്കുടി താലൂക്ക് ആശുപത്രി മോര്‍ച്ചറിയില്‍.