പാലായില്‍ മണ്ണുമാന്തി യന്ത്രത്തില്‍ കുടുങ്ങിയ വീട്ടുടമയ്ക്ക് ദാരുണാന്ത്യം. വീട്ടില്‍ പണി നടക്കുന്നതിനു വേണ്ടി എത്തിച്ച മണ്ണുമാന്തി യന്ത്രത്തിനിടയില്‍ കുടുങ്ങിയാണ് അപകടം സംഭവിച്ചത്. കരൂര്‍ സ്വദേശി പോള്‍ ജോസഫ് ആണ് മരിച്ചത്.
മണ്ണുമാന്തിയുടെ ഓപ്പറേറ്റര്‍ പുറത്തുപോയ സമയത്ത് ഇയാള്‍ യന്ത്രം പ്രവര്‍ത്തിക്കാന്‍ ശ്രമിച്ചതോടെയാണ് അപകടം ഉണ്ടായത്. അതിനിടെ മണ്ണുമാന്തി യന്ത്രത്തിനുള്ളില്‍ പോളിന്റെ തലകുടുങ്ങുകയായിരുന്നെന്നാണ് വിവരം.
മണ്ണുനീക്കുന്നതിനു വേണ്ടി ഇന്ന് രാവിലെയാണ് ജെസിബി ഇവരുടെ വീട്ടില്‍ എത്തിച്ചത്. വിവരം അറിഞ്ഞ് പൊലീസ് ഉള്‍പ്പടെ സ്ഥലത്തെത്തി. മൃതദേഹം തുടര്‍നടപടികള്‍ക്കായി ആശുപത്രിയിലേക്ക് മാറ്റി.