ഡല്‍ഹി നഗരത്തില്‍ പട്ടാപ്പകല്‍ തോക്ക് ചൂണ്ടി പണം കവര്‍ന്നു. രണ്ടു ബൈക്കുകളില്‍ എത്തിയ മുഖംമൂടി ധരിച്ച സംഘമാണ് കാര്‍ തടഞ്ഞു പണം കവര്‍ന്നത്. കഴിഞ്ഞ ദിവസമായിരുന്നു സംഭവം. ഇതിന്റെ സിസിടിവി ദൃശ്യങ്ങള്‍ പുറത്തുവന്നു.
പ്രകൃതി മൈതാനില്‍ നിന്ന് നോയിഡയിലേക്ക് പോകുന്ന ഭാഗത്തെ ടണലിനുള്ളില്‍ വെച്ചായിരുന്നു കവര്‍ച്ച. ബൈക്കില്‍ ഉള്ളവര്‍ കാര്‍ തടഞ്ഞുനിര്‍ത്തി തോക്ക് ചൂണ്ടി പണം കവര്‍ന്നെടുത്ത് കടന്നുപോകുന്നത് വീഡിയോയില്‍ കാണാം. സംഭവത്തില്‍ കേസെടുത്തു അന്വേഷണം ആരംഭിച്ചതായി പൊലീസ് അറിയിച്ചു.