സ്‌കൂള്‍ പരിസരത്തുള്‍പ്പെടെ രണ്ടിടങ്ങളില്‍ വളര്‍ന്ന കഞ്ചാവ് ചെടി കണ്ടെത്തി. പള്ളിക്കുന്ന് ഹയര്‍സെക്കന്ററി സ്‌കൂളിനു സമീപം റോഡരികിലും മടക്കര അജ്നാസ് ഹോട്ടലിന് സമീപത്തുമാണ് കഞ്ചാവ് ചെടികള്‍ കണ്ടത്. പള്ളിക്കുന്നില്‍ 40 സെന്റിമീറ്റര്‍ നീളത്തിലുള്ളതും മടക്കരയില്‍ 30-ഉം 20-ഉം സെന്റിമീറ്റര്‍ നീളത്തിലുള്ളതുമായ രണ്ട് കഞ്ചാവ് ചെടികളാണ് കണ്ടെത്തിയത്. കണ്ണപുരം എസ്.ഐ. രേഷ്മയുടെ നേതൃത്വത്തില്‍ കഞ്ചാവ് ചെടികള്‍ കസ്റ്റഡിയിലെടുത്തു.
പള്ളിക്കുന്നില്‍ എക്സൈസ് ഇന്റലിജന്‍സ് വിഭാഗത്തിന് ലഭിച്ച വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് പള്ളിക്കുന്ന് കൊമ്പ്രകാവ് റോഡില്‍ വാട്ടര്‍ അതോറിറ്റിയുടെ ജലസംഭരണിക്ക് സമീപത്തായി കഞ്ചാവ് ചെടി കണ്ടെത്തിയത്.
ചൊവ്വാഴ്ച ഉച്ചയ്ക്ക് 12-ഓടെയായിരുന്നു സംഭവം. കണ്ണൂര്‍ എക്സൈസ് സര്‍ക്കിള്‍ ഇന്‍സ്പെക്ടര്‍ ഉനൈസ് അഹമ്മദ്, എക്സൈസ് ഇന്റലിജന്‍സ് വിഭാഗം പ്രിവന്റീവ് ഓഫീസര്‍ വി.പി. ഉണ്ണികൃഷ്ണന്‍, സി.ഇ.ഒ. മാരായ സനീബ്, രമിത്ത്, ഡ്രൈവര്‍ പ്രകാശന്‍ എന്നിവരുടെ നേതൃത്വത്തിലായിരുന്നു പരിശോധന. ചെടി കസ്റ്റഡിയിലെടുത്ത എക്സൈസ് അന്വേഷണം ആരംഭിച്ചു.