തൃശൂര്‍: അഞ്ചു വയസ്സുകാരിയെ കാട്ടാന ചവിട്ടിക്കൊന്നു. അതിരപ്പിള്ളി കണ്ണന്‍കുഴിയിലാണ് സംഭവം നടന്നത്. മാള പുത്തന്‍ചിറയില്‍ നിന്നുള്ള ആഗ്‌നിമിയ (5) ആണ് കൊല്ലപ്പെട്ടത്. സംഭവത്തില്‍ കുട്ടിയുടെ പിതാവിനും ബന്ധുവിനും പരിക്കേറ്റിട്ടുണ്ട്. ചാലക്കുടി സെന്റ്‌ജെയിംസ് ആശുപത്രിയിലാണ് ഇവരെ പ്രവേശിപ്പിച്ചത്. രണ്ടുപേരും അബോധാവസ്ഥയിലാണ്. ബൈക്കില്‍ യാത്ര ചെയ്യുമ്പോയാണ് ആന ആക്രമിച്ചത്. അതിരപ്പിള്ളി വെള്ളച്ചാട്ടം കാണാനെത്തിയതായിരുന്നു ഇവര്‍.