കര്‍ണാടകയില്‍ പടക്കക്കടകയില്‍ വന്‍ തീപിടുത്തം. സംഭവത്തില്‍ 11 പേര്‍ മരണപ്പെട്ടു. ബെംഗളൂരു അത്തിബല്ലെയിലാണ് തീപിടുത്തം ഉണ്ടായത്. വാഹനത്തില്‍നിന്ന് പടക്കം ഇറക്കുന്നതിനിടെ അഞ്ച് കടകള്‍ക്ക് തീപിടിക്കുകയായിരുന്നു. സംഭവത്തില്‍ നിരവധി ആളുകള്‍ക്ക് പരുക്കേറ്റു.
പടക്കം ഇറക്കിയ വാഹനമുള്‍പ്പെടെ അപകടത്തില്‍ കത്തിപ്പോയി. ഇന്ന് വൈകുന്നേരം 4.30നാണ് തീപിടിത്തമുണ്ടായതെന്ന് പൊലീസ് വ്യക്തമാക്കി. അഗ്‌നിരക്ഷാ സേന എത്തിയാണ് തീ അണച്ചത്. നിലവില്‍ സ്ഥിതിഗതികള്‍ നിയന്ത്രണവിധേയമാണെന്ന് ബെംഗളൂരു റൂറല്‍ എസ്പി മല്ലികാര്‍ജുന്‍ ബലദന്ദി വ്യക്തമാക്കി.