ന്യൂയോര്‍ക്കില്‍ ട്രെയിനില്‍ ബഹളം വെച്ചയാളെ ശ്വാസംമുട്ടിച്ചു കൊലപ്പെടുത്തി. ട്രെയിനില്‍ ഉണ്ടായിരുന്ന ഒരു മാധ്യമപ്രവര്‍ത്തകന്‍ ചിത്രീകരിച്ച വീഡിയോ സാമൂഹ്യ മാധ്യമത്തില്‍ വൈയറലായി. മരിച്ചയാളുടെ പേരും വിവരവും പൊലീസ് പുറത്തുവിട്ടിട്ടില്ല. സംഭവത്തില്‍ കൃത്യം നടത്തിയ ആളെ പൊലീസ് ചോദ്യം ചെയ്തു വിട്ടയച്ചു.
ഒരാള്‍ ട്രെയിനില്‍ കയറുകയും യാത്രക്കാര്‍ക്ക് ബുദ്ധിമുട്ടുണ്ടാക്കുന്ന തരത്തില്‍ ബഹളം വയ്ക്കാനും ശല്യപ്പെടുത്താനും തുടങ്ങി. ഇതിന് പിന്നാലെ ഇയാള്‍ ബഹളം വെച്ച ആളുടെ കഴുത്തിന് ചുറ്റി പിടിച്ചു. കഴുത്തിന് ചുറ്റി പിടിച്ചിരിക്കുന്നതിനാല്‍ ശ്വാസം മുട്ടിയാണ് മരിച്ചത് എന്നാണ് വിവരം.