ആധാര്‍ കാര്‍ഡും പാന്‍ കാര്‍ഡും തമ്മില്‍ ജൂണ്‍ 30നകം ലിങ്ക് ചെയ്തില്ലെങ്കില്‍ ഫീസ് നല്‍കണമെന്ന് ആദായ നികുതി വകുപ്പ്. ജൂണ്‍ 30ന് ശേഷം കാര്‍ഡുകള്‍ ലിങ്ക് ചെയ്യാന്‍ 1000 രൂപയായിരിക്കും ഫീസ്. 1961 ആദായ നികുതി നിയമപ്രകാരം ജൂണ്‍ 30നകം ആധാറുമായി ലിങ്ക് ചെയ്തില്ലെങ്കില്‍ പാന്‍ അസാധുവാകും.
ജൂണ്‍ 30നകം ഇരു കാര്‍ഡുകളും ലിങ്ക് ചെയ്തില്ലെങ്കില്‍ 1000 രൂപ ഫീസായി ഈടാക്കുമെന്ന് ആദായ നികുതി വകുപ്പ് അറിയിച്ചു. ഇപേ ടാക്‌സ് ഫീച്ചറിലൂടെയാണ് ഫീസ് നല്‍കേണ്ടത്. പാന്‍കാര്‍ഡ് അസാധുവായാല്‍ ആ കാര്‍ഡ് ഉപയോഗിച്ച് ചെയ്യുന്ന ആദായ നികുതി റിട്ടേണുകള്‍ക്ക് റീഫണ്ട് ലഭിക്കില്ല. പാന്‍കാര്‍ഡ് പിന്നീട് ആക്ടീവായതിന് ശേഷമേ റീഫണ്ട് ലഭിക്കും.
ഇക്കാലയളവില്‍ പിടിച്ചുവെച്ച റീഫണ്ട് തുകക്ക് പലിശയും ലഭിക്കില്ല. ടി.ഡി.എസിനും ഉയര്‍ന്ന നിരക്കായിരിക്കും ഈടാക്കുക. കുട്ടികളുടെ ആധാറും പാന്‍കാര്‍ഡും ലിങ്ക് ചെയ്യുന്നതില്‍ വീഴ്ച വരുത്തിയാല്‍ 500 രൂപയായിരിക്കും ഫീസായി ഈടാക്കുക.