തിരുവനന്തപുരം: മുട്ടില്‍ മരംമുറി കേസില്‍ മുട്ടില്‍ സൗത്ത് മുന്‍ വില്ലേജ് ഓഫീസറുടെ സസ്‌പെന്‍ഷന്‍ പിന്‍വലിച്ച് റവന്യു വകുപ്പ്. മുട്ടില്‍ മരംമുറി വിവാദമായതിനെ തുടര്‍ന്ന് വില്ലേജ് ഓഫീസറായിരുന്ന കെകെ അജിതയെ വയനാട് കലക്ടര്‍ സസ്‌പെന്റ് ചെയ്യുകയായിരുന്നു. 2021 ഫെബ്രുവരി 17 നാണ് സസ്‌പെന്‍ഡ് ചെയ്തത്.
മുട്ടില്‍ മരംമുറി കേസില്‍ ഇപ്പോഴും അന്വേഷണം തുടരുകയാണ്. കേസുമായി ബന്ധപ്പെട്ട് അജി മാത്രമാണ് സസ്‌പെന്‍ഷനില്‍ തുടര്‍ന്നിരുന്നത്. മീനങ്ങാടി പോലീസ് സ്‌റ്റേഷനില്‍ അജിക്കെതിരെ ക്രിമിനല്‍ കേസ് രജിസ്റ്റര്‍ ചെയ്ത് അന്വഷണം നടക്കുകയാണ്. വകുപ്പ് തല അച്ചടക്ക നടപടിയുടെ ഭാഗമായ അന്വഷണവും തുടരുന്നുണ്ട്.